main

ലോകത്തെ അതിബുദ്ധിമാന്മാരുടെ സംഘടനയായ മെന്‍സ ഇന്റര്‍നാഷനലില്‍ അംഗമായി അയർലൻഡിലെ മലയാളി ബാലന്‍

Anonymous | | 1 minute Read

3837-1669826788-4494-1669823898-eisoly823743

ഡബ്ലിന്‍: ലോകത്തെ അതിബുദ്ധിമാന്മാരുടെ സംഘടനയായ മെന്‍സ ഇന്റര്‍നാഷനലില്‍ അംഗമായി അയർലൻഡിലെ മലയാളി ബാലന്‍. ഡബ്ലിന്‍ റാത്ത്കൂള്‍ ഹോളിഫാമിലി കമ്മ്യൂണിറ്റി സ്കൂളിലെ ഫസ്റ്റ് ഇയര്‍ വിദ്ധ്യാര്‍ഥിയായ അഖില്‍ പ്രശാന്താണ് Cattell III B scale ടെസ്റ്റില്‍ 161 സ്കോര്‍ നേടി മെന്‍സ സൊസൈറ്റിയില്‍ അംഗത്വം നേടിയത്.

പരമാവധി സ്കോറായ 162 ല്‍ 161 നേടുകവഴി ലോകത്തെ ഏറ്റവും ഉയര്‍ന്ന ബുദ്ധിശക്തിയുള്ള 1 ശതമാനം പേരില്‍ ഒരാള്‍ ആയിരിക്കുകയാണ് ഈ പതിമൂന്ന് വയസുകാരന്‍.രണ്ടര മണിക്കൂര്‍ ദൈര്‍ഘ്യമുള്ള ബുദ്ധിശക്തി പരീക്ഷയില്‍ ഉയര്‍ന്ന മാര്‍ക്ക് നേടുന്ന 2 ശതമാനം ആളുകള്‍ക്കാണ് മെന്‍സയില്‍ അംഗമാകാന്‍ അവസരം ലഭിക്കുക. 148 പോയിന്റാണ് അംഗമാകാനുള്ള ഏറ്റവും കുറഞ്ഞ സ്കോര്‍.


🔔 Follow Us
Join EUROPE NEWS WhatsApp Group
   
Join Telegram

Read PRAVASILOKAM on Google News

ARTICLE CONTINUES AFTER AD
..: ❥ Sponsor :..

ലോകത്ത് 90 രാജ്യങ്ങളിലായി വിവിധ പ്രായത്തിലുള്ള 1.45 ലക്ഷം അംഗങ്ങളാണ് മെന്‍സയില്‍ ഉള്ളത്. മനുഷ്യരാശിയുടെ പ്രയോജനത്തിനായി മനുഷ്യ ബുദ്ധിയെ തിരിച്ചറിയുക, വളർത്തുക; ബുദ്ധിയുടെ സ്വഭാവം, സവിശേഷതകൾ, ഉപയോഗങ്ങൾ എന്നിവയെക്കുറിച്ചുള്ള ഗവേഷണം പ്രോത്സാഹിപ്പിക്കുക; അംഗങ്ങൾക്ക് ഉത്തേജകമായ ബൗദ്ധികവും സാമൂഹികവുമായ അന്തരീക്ഷം ഉണ്ടാക്കുക എന്നിവയാണ് മെന്‍സയുടെ പ്രധാന ലക്ഷ്യങ്ങള്‍.

അംഗങ്ങള്‍ക്കിടയില്‍ ആശയ കൈമാറ്റത്തിനായി പ്രഭാഷണങ്ങൾ, ചർച്ചകൾ, ജേണലുകൾ, ദേശീയ-അന്തർദേശീയ സമ്മേളനങ്ങൾ എന്നിവ മെന്‍സ സംഘടിപ്പിക്കുന്നു.പഠനത്തോടൊപ്പം പാഠ്യേതര പ്രവർത്തനങ്ങളിലും മികവ് തെളിയിച്ചിട്ടുള്ള അഖില്‍ പ്രത്യേക തയ്യാറെടുപ്പുകള്‍ ഒന്നും കൂടാതെയാണ് സ്കൂളില്‍ മെന്‍സ നടത്തിയ പരീക്ഷയില്‍ പങ്കെടുത്തത്.ഡബ്ലിനിലെ ന്യുകാസിലില്‍ താമസിക്കുന്ന കോട്ടയം മുട്ടുചിറ സ്വദേശി പ്രശാന്തിന്റെയും പൂജ പുഷ്പന്റെയും മകനാണ് അഖില്‍. അനഘ, നിഖില്‍ എന്നിവര്‍ സഹോദരങ്ങളാണ്.


RELATED

English Summary : News in Nri/europe

Latest

Trending

Do NOT follow this link or you wont able to see the site!

US / ☹️ / Total Memory Used : 0.79 MB / ⏱️ 0.0877 seconds.